ఎంబీఏ (మీడియా మేనేజ్‌మెంట్) కోర్సును ఆఫర్ చేస్తున్న యూనివర్సిటీలేవి?

ఎంబీఏ (మీడియా మేనేజ్‌మెంట్) కోర్సును ఆఫర్ చేస్తున్న యూనివర్సిటీలేవి?
-పూజిత, జడ్చర్ల.
మీడియూ రంగంలో రిపోర్టింగ్, ఎడిటింగ్ వంటి ఫ్రంట్-ఎండ్ ఆపరేషన్స్‌తోపాటు సర్క్యులేషన్, షెడ్యూలింగ్, యూడ్ సేల్స్, బ్రాండ్ మేనేజ్‌మెంట్, మీడియా ప్లానింగ్ వంటి వాటికి సంబంధించిన ప్రొఫెషనల్స్ కోసం అన్వేషణ సాగుతోంది. అలాంటి ప్రొఫెషనల్స్‌ను తీర్చిదిద్దే కోర్సే ‘మీడియూ మేనేజ్‌మెంట్’. ఈ కోర్సు పూర్తి చేసిన వారికి సాధారణంగా ప్రింట్, ఎలక్ట్రానిక్ మీడియా, రేడియో, ఇంటర్నెట్, వెబ్‌సైట్‌లను నిర్వహిస్తున్న సంస్థలు, మీడియా హౌస్‌లు, పబ్లికేషన్స్ సంస్థలు, అడ్వర్టయిజింగ్ ఏజెన్సీలలో ఉపాధి అవకాశాలుంటాయి. సినీ తారలు, సెలెబ్రెటీస్, రచయితలు, సంగీత దర్శకులకు, క్రీడాకారులు, ప్రముఖ వ్యక్తులకు మీడియా మేనేజర్‌గా కూడా వ్యవహరించవచ్చు. వేగంగా అభివృద్ధి చెందుతున్న రంగం కాబట్టి వేతనాలు కూడా అదే మాదిరిగానే ఉంటున్నాయి. సాధారణంగా వీరి ప్రారంభ వేతనం నెలకు రూ. 15,000-30,000 మధ్య ఉంటుంది.

ఆఫర్ చేస్తున్న ఇన్‌స్టిట్యూట్‌లు:
= శ్రీ పద్మావతి మహిళా విశ్వవిద్యాలయం - తిరుపతి
వెబ్‌సైట్: www.spmvv.ac.in/
= ఏషియన్ అకాడెమీ ఆఫ్ ఫిల్మ్ అండ్ టెలివిజన్- నోయిడా
వెబ్‌సైట్: www.aaft.com
= ఇన్‌స్టిట్యూట్ ఫర్ మీడియా మేనేజ్‌మెంట్ అండ్ కమ్యూనికేషన్ స్టడీస్ - న్యూఢిల్లీ
వెబ్‌సైట్: www.imcsindia.com
= మణిపాల్ ఎడ్యుకేషన్ ఇన్‌స్టిట్యూట్ ఆఫ్ మీడియా అండ్ ఎంటర్‌టైన్‌మెంట్ - బెంగళూరు
వెబ్‌సైట్: www.manipal.edu
= ఇంటర్నేషనల్ స్కూల్ ఆఫ్ మీడియా అండ్ ఎంటర్‌టైన్‌మెంట్ స్టడీస్ - న్యూఢిల్లీ
వెబ్‌సైట్: www.isomes.com
= అమిటీ స్కూల్ ఆఫ్ కమ్యూనికేషన్ - నోయిడా
వెబ్‌సైట్: www.amity.edu
= ఇందిరాగాంధీ నేషనల్ ఓపెన్ యూనివర్సిటీ- న్యూఢిల్లీ
వెబ్‌సైట్: www.ignou.ac.in/


కంబైన్డ్ గ్రాడ్యుయేట్ లెవల్ ఎగ్జామినేషన్ వివరాలను తెలపండి?
-చరణ్, గద్వాల.
కంైబైన్డ్ గ్రాడ్యుయేట్ లెవల్ ఎగ్జామినేషన్‌ను స్టాఫ్ సెలక్షన్ కమిషన్ (ఎస్‌ఎస్‌సీ) నిర్వహిస్తుంది. ఈ పరీక్ష ద్వారా.. కేంద్ర ప్రభుత్వంలోని వివిధ విభాగాలు/మంత్రిత్వ శాఖ ల్లోని అసిస్టెంట్లు/అప్పర్ డివిజన్ క్లర్క్(యూడీసీ); సెంట్రల్ ఎక్సైజ్ శాఖలో ప్రివెంటివ్ ఆఫీసర్; ఇన్‌కమ్ ట్యాక్స్ డిపార్ట్‌మెంట్‌లో ఇన్‌స్పెక్టర్లు; సీబీఐలో సబ్-ఇన్‌స్పెక్టర్లు; సెంట్రల్ బోర్డ్ ఆఫ్ డెరైక్ట్ ట్యాక్సెస్‌లలో ఇన్‌స్పెక్టర్/ట్యాక్స్ అసిస్టెంట్స్; డెరైక్టర్ ఆఫ్ ఎన్‌ఫోర్స్‌మెంట్‌లో.. అసిస్టెంట్ ఎన్‌ఫోర్స్‌మెంట్ ఆఫీసర్లు; కంప్ట్రోలర్ అండ్ అడిటర్ జనరల్ (కాగ్) ఆఫీస్‌లో.. డివిజనల్ అకౌంట్స్ ఆఫీసర్స్/జూనియర్ అకౌంటెంట్/అకౌంటెంట్/అడిటర్స్; స్టాటిస్టికల్ అండ్ ప్రోగ్రామింగ్ ఇంప్లిమెంటింగ్ మంత్రిత్వ శాఖలో.. స్టాటిస్టికల్ ఇన్వెస్ట్‌గేటర్ గ్రేడ్-2, తదితర ఉద్యోగాలను భర్తీ చేస్తారు. ఈ పరీక్షకు హాజరు కావడానికి కావల్సిన అర్హత: ఏదైనా గ్రాడ్యుయేషన్. అసిస్టెంట్ పోస్టులకు దరఖాస్తు చేసుకునే వారికి మాత్రం కంప్యూటర్ పరిజ్ఞానం తప్పనిసరి. వయసు: 27 ఏళ్లు. ఇన్‌స్పెక్టర్/సబ్-ఇన్‌స్పెక్టర్ పోస్టులకు నిర్దేశించిన విధంగా శారీరక ప్రమాణాలు ఉండాలి.

కంబైన్డ్ గ్రాడ్యుయేట్ లెవల్ ఎగ్జామినేషన్.. టయర్-1, టయర్-2 అనే రెండు దశలుగా ఉంటుంది.
టయర్-1: ఆబ్జెక్టివ్ మల్టిపుల్ చాయిస్ పద్ధతిలో ఉంటుంది. ఈ పేపర్‌కు 200 మార్కులు కేటాయించారు. సమయం రెండు గంటలు. నాలుగు విభాగాలుగా ఉంటుంది. అవి.. జనరల్ ఇంటలిజెన్స్ (50 మార్కులు); జనరల్ అవేర్‌నెస్ (50 మార్కులు); న్యూమరికల్ ఆప్టిట్యూడ్ (50 మార్కులు); ఇంగ్లిష్ కాంప్రెహెన్షన్ (50 మార్కులు); ఈ దశలో క్వాలిఫై అయిన వారిని మాత్రమే తర్వాతి దశ.. టయర్-2 కు అనుమతిస్తారు.

టయర్-2: ఆబ్జెక్టివ్ మల్టిపుల్ చాయిస్ పద్ధతిలో ఉంటుంది. ఈ పేపర్‌కు 400 మార్కులు కేటాయించారు. రెండు విభాగాలుగా ఉంటుంది. అవి.. ఆర్థమెటిక్ ఎబిలిటీస్ (200 మార్కులు-సమయం రెండు గంటలు); ఇంగ్లిష్ కాంప్రెహెన్షన్ (200 మార్కులు-సమయం రెండు గంటలు); కంపైలర్/స్టాటిస్టికల్ ఇన్వెస్ట్‌గేటర్ గ్రేడ్-2 పోస్టుకు ‘స్టాటిస్టిక్స్ లేదా సంబంధిత సబ్జెక్ట్’ పేపర్ అదనంగా ఉంటుంది (200 మార్కులు-సమయం రెండు గంటలు); ఈ రెండు దశల్లో క్వాలిఫై అయిన వారికి చివరగా పర్సనల్ ఇంటర్వ్యూ/పర్సనాలిటీ టెస్ట్.. నిర్దేశించిన అభ్యర్థులకు కంప్యూటర్ ప్రొఫిషియెన్సీ టెస్ట్, స్కిల్ టెస్ట్, ఫిజికల్ టెస్ట్ నిర్వహించి నియామకం ఖరారు చేస్తారు.
వెబ్‌సైట్: http://ssc.nic.in

గ్రాఫిక్ డిజైనింగ్ కోర్సు వివరాలను తెలపండి?
-గణేష్, కర్నూలు.
గ్రాఫిక్ డిజైనింగ్ అనేది విజువల్ కమ్యూనికేషన్‌లోని ఒక ప్రక్రియ. అందుబాటులోని సమాచారాన్ని పదాలు, చిత్రాలు (images) ఉపయోగించి ప్రభావవంతంగా ప్రజెంట్ చేయడమే గ్రాఫిక్ డిజైన్. ఈ రంగంలో కెరీర్ ప్రారంభించాలనుకునేవారికి.. డ్రాయి ంగ్, లే అవుట్, టైపోగ్రఫీ, లెట్టరింగ్, డయాగ్రమింగ్ వంటి అంశాలపై అవగాహన ఉండాలి.

వివిధ పత్రికలు, కార్పొరేట్ రిపోర్ట్స్, జర్నల్స్, మార్కెటింగ్ బ్రోచర్స్ లే అవుట్ డిజైన్ చేయడం, వ్యాపార-వాణిజ్య ఉత్పత్తులకు సంబంధించిన లోగోలను రూపొందించడం వంటి విధులను గ్రాఫిక్ డిజైనర్లు నిర్వహిస్తుంటారు. వీరికి మీడియా హౌస్‌లు, పబ్లికేషన్ సంస్థలు, యాడ్ ఏజెన్సీలు, కార్పొరేట్ హౌసెస్‌లు కెరీర్ అవె న్యూస్‌గా నిలుస్తున్నాయి.

ఆఫర్ చేస్తున్న ఇన్‌స్టిట్యూట్‌లు:
= నేషనల్ ఇన్‌స్టిట్యూట్ ఆఫ్ డిజైన్-అహ్మదాబాద్
వెబ్‌సైట్: www.nid.edu
= ఇండస్ట్రియల్ డిజైన్ సెంటర్-ఐఐటీ బాంబే
వెబ్‌సైట్: www.idc.iitb.ac.in
= ఐఐటీ-కాన్పూర్
వెబ్‌సైట్: www.iitk.ac.in
= ఐఐటీ-గువహటి
వెబ్‌సైట్: www.iitg.ac.in
= సింబయాసిస్ ఇన్‌స్టిట్యూట్ ఆఫ్ డిజైన్-పుణే
వెబ్‌సైట్: sid.edu.in
ఇవే కాకుండా తపస్ మల్టీమీడియా, ఎరెనా, జీ ఇన్‌స్టిట్యూట్ వంటి ఎన్నో ప్రైవేట్ ఇన్‌స్టిట్యూట్‌లు గ్రాఫిక్ డిజైన్ సంబంధిత కోర్సులను ఆఫర్ చేస్తున్నాయి.